Tag Archives: Vüsal Musayev – Qayıt sal boynuma yenə qolunu..

Vüsal Musayev – Qayıt, sal boynuma yenə qolunu..

Standard

Vüsal Musayev

Dikilib nə vaxtdır yoluna gözüm,
Sənsiz nə gecəm var, nə də gündüzüm,
Sönübdür Günəşim, Ayım, ulduzum.
Gözlərəm həsrətlə sənin yolunu
Qayıt, sal boynuma yenə qolunu.

Gör neçə illərdir həsrətəm sənə,
Gör neçə illərdir batmışam qəmə,
Hicranım dağ çəkib mənim sinəmə.
Gözlərəm həsrətlə sənin yolunu
Qayıt, sal boynuma yenə qolunu.

Ağlayar halıma göydə bulud da,
Ağlayar doğma da, ağlayar yad da,
Heçkim əvəz etməz səni həyatda
Gözlərəm həsrətlə sənin yolunu
Qayıt, sal boynuma yenə qolunu.

Sənsiz viran qalan xanimanım da,
Ulduztək sayrışan yaş yanağımda,
Boş qalan yastığın indi yanımda
Gözləyir həsrətlə sənin yolunu
Qayıt, sal boynuma yenə qolunu.