Məhəmməd əmin Rəsulzadə – MAYIS DUYĞULARI

Standard

Məmməd Əmin Rəsulzadə

İlk çağındaydı gözəl mövsümün,
Qışdan çıxılmışdı, bahar gəlmişdi.
İyirmi səkkizində idi Mayısın,
Azərbaycan İstiqlala girmişdi.

Erkən qopdu bir qasırğa quzeydən,
Baharımız, heyhat döndü qış oldu.
Azərbaycan Moskovların əlində,
Əsarətin zəhərini dadmış oldu.

Azərilər sarsıldı bu zərbədən,
İstilaya qarşı üsyanlar oldu.
İstiqlalı bir kərə dadmış millət,
“Hürriyyət” fikrinə candan vuruldu.

Milli fikir toxumları səpildi,
İslatdı torpağı axan qızıl qan.
Bu əkindən yarınki bir baharda,
Əlbət bitər bir yeni Azərbaycan.

Şiddətliysə əgər mövsümün qışı,
Yeni bahar, demək, parlaq olacaq.
Verdiyimiz qurbanların bahası,
Bizə yalnız hürriyyətlə dolacaq.

Tarixin yenə gözəl bir çağında,
Qaranlıq qış keçib, bahar gələcək.
Hər hansı bir ilin aydın günündə,
Azərbaycan İstiqlala girəcək!

****
Dünya nədir, ey qare?
– Bir zülm mücəssəməsidir!
Varlıq nədir ey fani?
– Bir dərd ki, mübərrəmdir*[2]!

Diyorlar ki ədalət var!
Guya ki, mürüvvət var!
Bəs harda bu varlıqlar?
Ətraf ki, müzlümdür*[3]!

Diyorlar ki, onun zilli
Fərmandehi dövrandır.
Bu doğruya filvaqe*[4]
Doğru özü mücrümdür*[5]!

Dünyada olan asar
Əmr ilə olurmuş yad
Asara səbəb lazım
– Bu fikir müsəlləmdir*[6].

Asar deyil yek rəng
ənvai firavandır.
Oldur ki, üluhiyyət*[7],
Mahiyyəti mübhəmdir*[8].

*[1] Zülm içində anlaşilmamazliq

*[2] mübərra – aydın, aşkar

*[3] müzlüm – zülm edən

*[4] filvaqe – həqiqətən

*[5] mücrüm – günahkar

*[6] müsəlləm – aydın

*[7] Üluhiyyət – ilahiyyət

*[8] mübhəm – anlaşılmaz

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma