Məmməd Əbülfəzoğlu – Səni nə qədər çox sevdiyimi bilirsən

Standard

Məmməd Əbülfəzoğlu

Birdə səsini küçələr geri qaytarmamışdı
Halbuki, hər şeydə bir az hər şey olsun deyə
Illərcə iki dil bir ağız böyütdüm bizi…
O vaxtlar bizim orda qara suvax divarlara
çoxalardı çiçəklər.
Umaç oyulan səkilərə iki misra doğulardı hər uşaq
Bütün ləhcələrdə sındırmağı öyrənmişdi musiqi
Amma tənhalığa ana dildə dəyərdi şeer.

Bəlkə şimaldı.Barmaqların buz tutardı tutsan əlimi
Qışqırsan bir çimdik burunotu dadardı yataq
Sussan tavan dabana qılınc çəkərdi
Səxavət də sayılsa, hər bağa üç azad quşduq
Harasına qanad çırpsaq ,
Köksümüzdə səliqəylə ötüb keçərdi həyat

İndi geriyə nə qaldıysa aramıza dəniz qoydular
Dedilər ki: öpüləcək yara varsa
əvvəl zaman suya dəymək cərrahların işidir.
siz çölünüzü içinizdə unudub içinizi dərin qazdınız
ona görədir bu uzaqliq ona görədir bu tənha
üzünüz asvalt rəngi
ən yaxşısı şəkliniz də təbaşirlə çəkilsin
Madam, qapı çırpıb getmək üçün çağrıldınız evlərə
Daş kəsib, sizi ən çətin künclərə asan cavab tiksinlər.
Əslində bütün buyruqlara diqqətlə yaraşdım
Boyun bükdüm, əl qaldırdım, əyildim
Yenə də qumla qum, balıqla balıq
Bardaş qurub ,onlardan olsam
səni bilmədim nəcür unudmalıyam ….
Bəlkə dedim, bəlkə rəhim, bəlkə rəhman
eşidər bir dolu ev, dizlərinə yatmasam
Kölgəmizə uduzmaq üçün meydançaya dağıdar
heçə heç qalmaq hünər sayılar ağlında

ən yaxşı qərargah sinif olar , ummuşdum
bütün dərslər –kim ən uzağa xəyal qurar
keç otur…
Otur dedimsə; kim bilə bilər hansı mövsümə
Portağalmı dadar boynun bənövşəmi
ən çox nə üçün darıxar üzün
əl üstündə kimin əli yoxsa çömçəbaşıbəzəmə
sonra onsuzda susursan
tətil gunləri güllə keçir
böyumək yalnızlığın fikri olmadan
evə gedəcək bir yol tap yenə də sən
Səni nə qədər çox sevdiyimi bilirsən.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma